Janë bërë gati 1 vit e gjysmë që kur Kosova udhëhiqet në dialogun me Serbinë nga kryeministri, Albin Kurti, i cili për një kohë të gjatë, sa ishte në opozitë, përfaqësonte një vizion tjetër politik për këtë proces.
Partitë opozitare, po i kërkojnë Kurtit një qasje më proaktive në procesin e ndërmjetësuar nga Bashkimi Evropian, me qëllim finalizimin e dialogut.
Enver Hoxhaj nga Partia Demokratike e Kosovës tha për tëvë1 se kryeministri Kurti është i vetmi që nuk dëshiron zgjidhje me Serbinë.
Edhe Muhamet Hamiti nga Lidhja Demokratike e Kosovës, nuk sheh ndonjë angazhim konkret nga Kurti në dialog, me qëllim të përmbylljes së këtij procesi.
Para disa ditësh kryeministri kishte ftuar në takim përfaqësuesit e opozitës për të diskutuar për çështjen e dialogut. LDK e AAK i ishin përgjigjur pozitivisht kësaj ftese, ndërsa PDK kishte refuzuar të marr pjesë në takim. /Tëvë1/
Video: KËTU
