Kandidati i PDK-së për deputet me numër 88, Patriot Krasniqi, ka marrë pjesë në tubimin e PDK, në lagjen Tusuz, aty edhe ku ka lindur, raporton Scanner.
Ai ka thënë se kjo lagje është burimi i frymëzimit politik, sepse “Tusuzi”, dikur në kohërat e vështira ka qenë baza e UÇK-së dhe bastioni i PDK-së që nga paslufta.
“Prizreni ka qenë dhe mbetet bastioni i PDK-së dhe edhe kësaj radhe do ta mbështes masivisht Bedri Hamzën për kryeministër dhe kandiatët për deputetë”, ka shkruar ai në Facebook.
Postimi i plotë:
Emocion i veçantë takimi me banorët e lagjes “Tusuz”, në Prizren, lagje ku unë jam rritur.
Kjo lagjë është burimi i frymëzimit tim politik, sepse “Tusuzi”, dikur në kohërat e vështira ka qenë baza e UÇK-së dhe bastioni i PDK-së që nga paslufta.
Poashtu takimi i sotëm ishte një mundësi e mirë për të dëgjuar nga afër shqetësimet e tyre, si dhe për të ndarë vizionin dhe programin tonë për zgjedhjet e 9 shkurtit.
Nga ky takim dola plot shpresë dhe i motivuar për të vazhduar punën tonë drejt rikthimit të madh të PDK-së.
Prizreni ka qenë dhe mbetet bastioni i PDK-së dhe edhe kësaj radhe do ta mbështes masivisht Bedri Hamzën për kryeministër dhe kandiatët për deputetë.
#MaMirë
#BedriHamza1
#PatriotKrasniqi88
