Don Xhoni ka reaguar për herë të parë pasi u ndalua nga policia e Kosvës. Përmes një live në Instagram, reperi ka thënë: “Gjithçka është në rregull, nën kontroll, gjithçka është stabile, respekte për Policinë e Kosovës dhe sjellen e tyre”. Reperi u ndalua pasi iu gjet një armë dhe disa fishekë në makinë.
“Sot rreth orës 15:15, në rrugën “Tahir Zajmi” në Prishtinë, pas një kontrolli të detajuar të ushtruar ndaj një personi, policia ka arritur të gjejë dhe sekuestrojë një revole të tipit Zastava, kalibër 7.65 mm, si dhe gjashtë copë fishekë, kalibër 7.65 mm”, tha ai. 22-vjeçari u shoqërua më pas në stacionin policor.
“I dyshuari Xh. I, mashkull, 22 vjeç, shtetas i Republikës së Kosovës, është shoqëruar në stacionin policor, për t’u proceduar më tej, konform rekomandimeve të prokurorit të shtetit”, tha zëdhënësi i Policisë për rajonin e Prishtinës, Agron Borovci për gazetën Express.
