Pas vrasjes së tre ushtarëve amerikanë, Clark: Goditeni Iranin, burimin e përshkallëzimit

“SHBA-ja duhet të ndalojë së thëni ‘ne nuk duam përshkallëzim’. Kjo i fton ata të na sulmojnë. Mos i quani sulmet tona ‘hakmarrje’. Kjo është reaguese. Humbjani atyre aftësitë dhe goditni fort burimin: Iranin”, ka shkruar ai në platformën X.

Ndryshe, presidenti amerikan, Joe Biden tha se po mbledhin faktet rreth sulmit, por shtoi se ai “u krye nga grupe militante radikale të mbështetura nga Irani që veprojnë në Siri dhe Irak”.

Ai gjithashtu paralajmëroi hakmarrje, duke thënë se SHBA-ja “do t’i mbajë të gjithë ata që janë përgjegjës të japin llogari në një kohë dhe në një mënyrë të zgjedhjes sonë”.

Ndryshe, kjo është hera e parë që ushtarët amerikanë vriten në rajon që nga sulmet e Hamasit më 7 tetor në Izraelin jugor.