Jennifer Lopez dhe Ben Affleck po heqin qafe gjërat që kanë të përbashkëta mes thashethemeve për divorc.
Page Six raporton se çifti po shet vepra arti nga shtëpia e tyre prej 55 milionë eurosh, e cila gjithashtu ka qenë në treg.
Koleksionistët dhe blerësit e interesuar kanë blerë “art dhe disa pjesë” që ishin në shitje nga shtëpia e çiftit në fillim të qershorit.
Jennifer dhe Ben blenë pronën e madhe vitin e kaluar, vetëm për ta nxjerrë në shitje një vit më vonë; megjithatë, burimi pohoi se ata donin ta tregtonin shtëpinë sepse nuk ishin kurrë të kënaqur me të.
“Ben nuk e ka pëlqyer kurrë shtëpinë”, tha një burim i brendshëm për revistën People muajin e kaluar, “është shumë larg fëmijëve të tij”.
Më shumë se një muaj pasi mediat raportuan se Affleck dhe Lopez po kalonin një krizë martesore dhe nuk po jetonin më bashkë, një burim i afërt me çiftin i tha People se Affleck mori gjërat e tij dhe vendosi të largohej për shkak të kësaj.
Aktori prej disa kohësh jeton në një shtëpi me qira në Brentwood dhe i mblodhi gjërat e tij nga shtëpia e përbashkët përpara se Lopez të kthehej nga një udhëtim në Itali.
Çifti është fotografuar për herë të fundit më 26 korrik në Hollywood, ku të dy kanë zyrat e tyre.
