Sofia Vergara dhe Joe Manganiello janë zyrtarisht të ndarë. Sipas dokumenteve të gjykatës të siguruara nga Entertainment Tonight, vendimi për zgjidhjen e martesës së tyre është vendosur të enjten, duke i dhënë fund zyrtarisht partneritetit të tyre martesor. Lajmi erdhi menjëherë pasi Vergara shpjegoi në një intervistë me El País, pse ata vendosën të divorcoheshin vitin e kaluar.
“Jam e sapo divorcuar nga burri im i dytë, me të cilin kam qenë për 10 vite. Martesa ime u prish sepse burri im ishte më i ri. Ai donte të kishte fëmijë dhe unë nuk doja të bëhesha një nënë e vjetër. Ndjej se nuk është e drejtë për fëmijën. Unë respektoj këdo që e bën këtë, por kjo nuk është më për mua”.
“Kam pasur një djalë në moshën 19 vjeç, i cili tani është 32 vjeç dhe jam gati të bëhem gjyshe, jo nënë”, shtoi Vergara për të dhe djalin e Joe Gonzalez, Manolo.
Sofia kohët e fundit ka qenë e lidhur me Dr. Justin Saliman. Ndërkohë, Manganiello bëri bujë në dhjetor për romancën e tij të re me aktoren Caitlin O’Connor.
