Paris Jackson tërhoqi gjithë vëmendjen në tapetin e kuq të Festivalit të Filmit në Venecia, teksa u shfaq me një paraqitje të guximshme dhe plot stil.
Vajza e ikonës Michael Jackson zgjodhi një fustan lëkure ngjyrë të zezë, i cili i vinte në pah linjat trupore, me një dekolte të thellë dhe jakë të dekoruar me pupla.
Ajo e kompletoi pamjen me doreza elegante lëkure, një çantë dore të zezë dhe bizhuteri me diamante, duke dhuruar një prezencë të fuqishme dhe të sofistikuar, shkruan DailyMail.
Në këtë premierë glamuroze të ribërjes së filmit “Frankenstein” nga Guillermo del Toro, Paris iu bashkua supermodeleve dhe aktoreve të tjera të njohura.
Rosie Huntington-Whiteley shkëlqeu me një fustan sateni me detaje diamanti, ndërsa aktorja Mia Goth, pjesë e kastit të filmit, u shfaq me një fustan saten të zi, të zbukuruar me një fjongo të madhe dhe një gjerdan diamanti.
Tapeti i kuq u mbush me yje të mëdhenj të kinemasë dhe modës, përfshirë Jacob Elordi, i cili luan rolin e krijesës së Frankensteinit, Nathalie Emmanuel, Leslie Bibb, Aaron Taylor Johnson dhe Emilia Jones, të gjithë të veshur me elegancë dhe originalitet.
- Premiera e “Frankenstein”, një nga projektet më të shumëpritura të këtij viti, do të shfaqet në Netflix në nëntor, duke i shtuar edhe më shumë peshë shfaqjes glamuroze të yjeve në Venecia. /Telegrafi/
