Parashikohet përkeqësimi i motit, Ministria e Mbrojtjes në Shqipëri njofton bashkitë më të rrezikuara

Sipas informacioneve nga Shërbimi Meteorologjik Ushtarak në Shqipëri, në pasditen e datës 17 janar të vitit 2023, pritet të ketë reshje me intensitet të lartë, të cilat do të jenë më të fokusuara në veri të vendit.

Në qarkun e Shkodrës, Kukësit, Lezhës, Elbasan, Vlorë, Gjirokastër dhe Dibrës mund të ketë vërshime të shpejta të lumenjve dhe rrëshqitjeve të dherave.

Bazuar në këto parashikime, Agjencia e Mbrojtjes Civile në Ministrinë e Mbrojtjes kërkon nga autoritetet vendore rritjen e gatishmërisë së strukturave të Mbrojtjes Civile.

Agjencia e Mbrojtjes Civile do të qëndrojë në kontakt të vazhdueshëm me perfekturat dhe bashkitë, sipas përcaktimit të shkallës së rrezikut.