Instituti Hidrometeorologjik i Kosovës ka bërë të ditur parashikimin e motit për këtë javë.
IHMK njofton se nga dita e martë i gjithë vendi do të ndikohet nga masat e ajrit me presion të ulët atmosferik.
Instituti bën të ditur se kjo situatë nuk do të zgjasë por do të krijohen kushte për reshje shiu dhe bore në viset e ulëta dhe mesatare, kurse në viset e larta parashihen reshje bore.
Temperaturat do të bien në mesditë deri në 5 gradë.
“Nga dita e mërkurë parashihen kushte tjera meteorologjike, sidomos në temperaturat e dy vlerave. Minimalet gjatë javës do të lëvizin ndërmjet -3 deri 3 gradë Celsius, ndërsa maksimalet e ditës parashihen të lëvizin ndërmjet 5-14 gradë Celsius. Do të fryjë erë nga drejtimi i jugut dhe verilindjes me shpejtësi 1-8 m/s”.