- Advertisement -
Papa Françesku përdori predikimin e tij në meshën e mesnatës për të ofruar solidaritetin e tij me njerëzit në Lindjen e Mesme – dhe për të dënuar “logjikën e kotë të luftës”.
Papa, 87 vjeç, u tha 6 mijë e 500 njerëzve brenda Bazilikës së Shën Pjetrit: “Zemrat tona janë në Betlehem, ku Princi i Paqes është refuzuar edhe një herë nga logjika e kotë e luftës”.
Ai shtoi se “përplasja e armëve sot” e pengon Jezusin “të gjejë vend në botë”, raporton SkyNews.
Në Betlehem, mesha u mbajt nga të krishterët palestinezë të cilët reflektuan mbi luftën rreth tyre në Izrael dhe Gaza.
Skena tradicionale e Lindjes së Krishtit në Sheshin Manger ishte gjithashtu e rrethuar me rrënoja dhe tela me gjemba.
