Palmerias interesohet për Jesus, Arsenali merr vendim final

Arsenali ka marrë vendim final për Gabriel Jesus, pasi pa që ish-klubi i yllit brazilian, Palmerias, u interesua për të.

Muajin e kaluar, dolën raporte se gjigantët brazilianë synonin të rikthenin sulmuesin në një lëvizje ëndrrash përpara Kupës së Botës për klube vitin e ardhshëm dhe ishin të përgatitur të ofronin 40 milionë euro për lojtarin. Megjithatë, presidentja e Palmeiras, Leila Pereira ka konfirmuar se ndjekja e klubit për Jesusin ka përfunduar.

Sipas ESPN, Pereira tha: “Gabriel Jesus nuk do të vijë. Ne ramë në kontakt me Arsenalin dhe ata thanë “Leila, nuk ka asnjë kusht. Ne nuk do të negociojmë për lojtarin. Tema është e mbyllur”.

27-vjeçari doli nga akademia e Palmeiras në 2015 dhe kaloi dy vjet me ekipin e tyre të parë përpara se të përfundonte një transferim te Manchester City në 2017. Ai u transferua në veri të Londrës në vitin 2022 dhe që atëherë ka bërë 87 paraqitje në të gjitha garat për Topçinjtë. Jesus, megjithatë, nuk është lojtar i formacionit startues që nga sezoni i kaluar pasi Kai Havertz është shfaqur si sulmuesi i parë i Mikel Artetas.

Pas një barazimi të vështirë kundër Liverpoolit fundjavën e kaluar, djemtë e Artetas do të synojnë t’i rikthehen fitoreve të mërkurën teksa do të përballen me skuadrën e Championshipit Preston në një ndeshje të 1/8 së finales të Kupës së Ligës.