Aktivisti i Lëvizjes Vetëvendosje në Drenas, Naim Qorri nëpërmjet një postimi në rrjetin social Facebook ka reaguar lidhur me numrin e vogël të pjesëmarrësve në zgjedhjet e brendshme të Lëvizjes Vetëvendosje në Drenas.
Ai ka ironizuar me numrin e aktivistëve pjesëmarrës në zgjedhje duke thënë se :”Me 7 aktivistë nuk mundesh me zgjedhë asgjë, veç e rrenë vetën”.
Krejt kjo vije sepse siç mëson “Drenica Sot” kandidatja e vetme për të marrë udhëheqjen e Qendrës së VV-së në Drenas ka marrë vetëm 91 vota kundrejt 62 sa ishin kundër.
E njëjta i hyri “garës” si e vetme pasiqë nga kryesia e nivelit qendror u eliminuan të gjithë kundërkandidatët.
Qorri ka pyetur edhe për legjitimitetin e zgjedhjes së saj kur në pytje janë vetëm 91 vota pro në qindra aktivistë sa ka Lëvizja Vetëvendosje!
Më poshtë ju sjellim postimin e tij të plotë bërë në rrjetin social “Facebook”.
