Me shumë gjasë, arsyeja pse nuk përmendet termi republikë është për t’u respektuar qëndrimet individuale të vendeve anëtare të KiE-së, të cilat nuk e njohin pavarësinë dhe shtetësinë e Kosovës. Në nenin 17, nënvizohet fakti se si do të anëtarësohet Kosova në KiE. Emri i propozuar i Kosovës është pa termin republikë, që shënjon shtetësinë dhe pavarësinë e Kosovës.
“17. Prandaj, Asambleja rekomandon që Këshilli i Ministrave:
17.1. të ftojë Kosovën të bëhet anëtare e Këshillit të Evropës me emrin “Kosova”.
17.2. T’i ndajë Kosovës tri vende në Asamblenë Parlamentare” – shkruan në raportin e raportueseses për Kosovën në Këshillin e Evropës, Dora Bakojanis.
Një nen më poshtë, përmenden “rrethanat e paprecedentë” të aplikimit të Kosovës, duke shtuar faktin se një numër “shtetesh anëtare” të KiE-së nuk e njohin Kosovës si shtet. Në raportin është theksuar se pranimi i Kosovës, nuk e thyen unitetin e shteteve anëtare të KiE-së në lidhje me shtetësinë e Kosovës.
Madje, raporti thekson se anëtarësimi i Kosovës është paparagjykim për qëndrimet e shteteve anëtare individuale në lidhje me shtetësinë e Kosovës.
“18. Ndërsa mbështet anëtarësimin e Kosovës në Këshillin e Evropës, Asambleja është i vetëdijshëm për këto rrethana të paprecedentë të këtij aplikimi, pasi një numër shtetesh anëtare të Këshillit të Evropës nuk e bëjnë njohjen e Kosovës si shtet. Diplomacia, dialogu dhe kompromisi janë të nevojshme për të siguruar që pranimi i ardhshëm i Kosovës nuk krijon një thyerje në unitetin e shteteve anëtare të Këshillit të Evropës, duke minuar kështu frymën e Samitit të Rejkjavikut. Prandaj Kuvendi fton Komisionin e Ministrat të sigurojnë që:
18.1. Anëtarësimi i Kosovës në Këshillin e Evropës është paparagjykim për qëndrimet e shteteve anëtare individuale sa i përket shtetësinë së Kosovës.” – shkruhet aty.
Megjithatë, në të njëjtin nen theksohet se me rastin e anëtarësimit të Kosovës në KiE, kjo organizatë do të ndërpret politikën e saj neutral ndaj statusit.
“18.2. Shtetet anëtare, pavarësisht nga qëndrimi që mund të shprehin në lidhje me aplikimin për anëtarësimin e Kosovës, respektojnë vendimin e marrë nga Komiteti i Ministrave dhe bashkëpunojnë sinqerisht dhe në mënyrë efektive në zbatimin e tij, duke siguruar funksionimin e qetë të institucioneve, organeve dhe mekanizmave të Këshillit të Evropës
18.3 Kur Kosova të pranohet si shtet anëtar për qëllimet e Statutit të Këshillit të Evropës, Organizata e ndërpret politikën e saj neutrale ndaj statusit.” – shkroi ai.
