Osmani viziton institucionet e sigurisë në fundvit, shpreh mirënjohje për shërbimin e tyre

Presidentja e Kosovës, Vjosa Osmani, ka vizituar në fundvit institucionet e sigurisë, duke falënderuar pjesëtarët e Forcës së Sigurisë së Kosovës dhe Policinë e Kosovës për angazhimin e tyre të pandërprerë në garantimin e rendit, sigurisë dhe mbrojtjes së Republikës.

Ajo vlerësoi punën e tyre edhe gjatë ditëve festive si dëshmi të zbatimit të ligjit dhe përkushtimit ndaj qytetarëve, duke uruar që Viti i Ri të sjellë përparim të mëtejshëm dhe shërbim me nder ndaj Kosovës.