Osmani tregon për takimin me Lajçakun: Diskutuam për zhvillimet e fundit në procesin e dialogut

Presidentja e Kosovës, Vjosa Osmani, ka treguar për takimin që e ka pasur dje me emisarin special të BE-së për dialogun Kosovë – Serbi. Miroslav Lajçak.

Ajo ka bërë me dije se me diplomatin evropian ka biseduar edhe për zhvillimet e fundit në procesin e dialogut Kosovë – Serbi.

Në llogarinë e saj në platformën “X”, shefja e shtetit ka shkruar se takimi ka ndodhur në gjatë Forumit Diplomatik në Antalya.

“Gjatë ADF2024, u takova me të Dërguarin e Bashkimit Evropian për dialogun Kosovë-Serbi, Miroslav Lajçak. Diskutuam për zhvillimet e fundit dhe procesin e dialogut”, ka shkruar Osmani.