Osmani thotë se Sllovenia është mbështetëse e fortë e Kosovës në rrugën euroatlantike

Presidentja e Kosovës, Vjosa Osmani, ka uruar homologen e saj sllovene, Nataša Pirc Musar dhe popullin slloven për ditën shtetërore.

Ajo ka thënë se Sllovenia ka pasur arritje të jashtëzakonshme, ndërsa në emër të popullit të Kosovës ka falënderuar shtetin slloven për mbështetjen ndaj Kosovës.

“Sot, ne bashkohemi me ju për të festuar arritjet tuaja të jashtëzakonshme ndër vite. Populli i Kosovës është mirënjohës për aleancën tonë të gjatë dhe për mbështetjen e fortë dhe të vazhdueshme të Sllovenisë për të ardhmen tonë euroatlantike”, ka shkruar ajo në X.