Presidentja e vendit, Vjosa Osmani është takuar me kongresistin republikan, Mike Lawler.

Osmani ka thënë se Lawler është një mik i Kosovës dhe një zë i rëndësishëm në Kongresin Amerikan.

Ajo tutje ka thënë se në këtë takim është diskutuar mbi nevojën për t’i t’i thelluar më tej marrëdhëniet tona në fusha të interesit të përbashkët.

“Me Kongresistin republikan Mike Lawler, një mik i Kosovës dhe një zë i rëndësishëm në Kongresin Amerikan, diskutuam mbi nevojën për t’i thelluar më tej marrëdhëniet tona në fusha të interesit të përbashkët. Mbështetja e SHBA-së ka qenë dhe mbetet vendimtare për rrugëtimin tonë si shtet i lirë dhe sovran.” – ka shkruar Osmani.