Osmani, Sarrazinit: Për neve është kyçe të anëtarësohemi në Këshill të Evropës

Në takim me emisarin gjerman, Manuel Sarrazin, Presidentja e Kosovës, Vjosa Osmani njoftoi se kanë biseduar për anëtarësimin eventual të Kosovës në Këshill të Evropës, aderim të cilin ajo e vlerësoi “kyçe për vendin tonë”.

Mes tjerash, temë mes Osmanit dhe Sarrazin, ajo e para njoftoi se ishin edhe marrëveshjet në kuadër të nismës rajonale të Procesit të Berlinit si dhe zhvillime të tjera në rajon.

“Në takimin e sotëm me të dërguarin gjerman për Ballkanin Perëndimor Manuel Sarrazin, theksova rëndësinë vendimtare të anëtarësimit të Kosovës në Këshill të Evropës. Gjithashtu diskutuam për zbatimin e marrëveshjeve të Procesit të Berlinit, si dhe zhvillimet e fundit në vendin tonë dhe rajon”, ka shkruar Vjosa Osmani.