Osmani për amandamentet që i çoi në Kuvend: Ato do të vlenin pas 5 vitesh, jo tash

Presidentja e Kosovës, Vjosa Osmani, ka sqaruar situatën me amandamentet që i dërgoi dje në Kuvend për zgjedhjen e presidentit nga populli.

Osmani ka thënë se ato do të vlenin për pas 5 vitesh.

“Këto amaendamente nuk do të kishin asnjë efekt për gjedhjen e presidenti që do të duhej të zgjidhej deri mbrëmë, për pasardhësin tim. Arsyeja është e thjeshtë, vetë amendamentet parashohin që procedura për zgjedhjen nga populli duhet të fillojë 6 muaj para përfundimit të mandatit të presidentit aktual, edhe sikur të miratoheshin mrëbëmë ato nuk do të ndryshonin asgjë për pasardhësin tim. Kjo nuk ka të bëjë me mua, mundësia do të vinte pas 5 vitesh”, tha ajo.