- Advertisement -
Presidentja e Kosovës, Vjosa Osmani, ndodhet në Rhode Island, SHBA, me ftesë të Sekretarit Amerikan të Marinës, Carlos del Toro, për të marrë pjesë në Simpoziumin e 11-të Ndërkombëtar për Gratë, Paqen dhe Sigurinë.
Duke njoftuar lajmin në Facebook bashkë me disa fotografi, Osmani i cilësoi këto momente “si një dëshmi e fuqisë së bashkëpunimit dhe përkushtimit për avancimin e paqes dhe stabilitetit në nivel global”.
Simpoziumi mbledh liderë dhe ekspertë nga mbarë bota për të diskutuar dhe avancuar rolin e grave në ndërtimin e paqes dhe sigurisë ndërkombëtare.
