Presidentja e Kosovës, Vjosa Osmani ka qenë e ftuar në darkën e shtruar nga Presidenti Macron për hapjen e Samitit për Inteligjencën Artificiale.
Ajo u takua me figura të njohura dhe të rëndësishme nga e gjithë bota, dhe tha se Kosova është në hartën globale të diskutimeve për inteligjencën artificiale.
Osmani shtoi se teknologjia po i prinë një revolucioni të paparë global dhe Kosova duhet të jetë e gatshme të jetë pjesë e këtij transformimi
“Liderë nga mbarë bota dhe profesionistë të fushës u mblodhën në Paris për të diskutuar zgjidhje që do të transformojnë botën, duke e vënë teknologjinë në shërbim të njerëzimit”, shkroi Osmani në Facebook.
Postimi i plotë:
Kosova në hartën globale të diskutimeve për inteligjencën artificiale.
Liderë nga mbarë bota dhe profesionistë të fushës u mblodhën në Paris për të diskutuar zgjidhje që do të transformojnë botën, duke e vënë teknologjinë në shërbim të njerëzimit.
Teknologjia po i prinë një revolucioni të paparë global dhe Kosova duhet të jetë e gatshme të jetë pjesë e këtij transformimi!
