Presidentja e Kosovës, Vjosa Osmani, i ka quajtur të rreme dhe në shkelje të plotë me ligjin ndërkombëtar referendumet e mbajtura nga Rusia në zonat e pushtuara në Ukrainë, me qëllim të aneksimit të tyre.
Osmani një gjë të tillë e ka deklaruar me anë të një postimi në llogarinë zyrtare të saj në ‘Twitter’, teksa ka thënë se Kosova dhe aleatët e saj do qëndrojnë përherë me Ukrainën, shkruan lajmi.net.
“Grabitja e paligjshme e territorit të Ukrainës nga Putini, bazuar në “referendume” të rreme dhe përdorimi i forcës, është shkelje e plotë e ligjit ndërkombëtar. Rusia dhe përfaqësuesit e saj janë kërcënimi më i madh për paqen dhe duhet të të ndalohen dhe të sanksionohen më tej”, deklaroi presidentja.
Moska ishte e gatshme të aneksonte të mërkurën një pjesë të Ukrainës, duke lëshuar atë që e quante numërimin e votave që tregonin mbështetje në katër provinca pjesërisht të pushtuara për t’u bashkuar me Rusinë.
Presidenti ukrainas Volodymyr Zelenskiy kërkoi mbështetjen ndërkombëtare kundër aneksimeve ruse, duke bërë një sërë telefonatash me liderë të huaj, përfshirë ata të Britanisë, Kanadasë, Gjermanisë dhe Turqisë.
