Pas sulmeve brutale dhe të ulëta për nga motivet që qeveria kosovare i bëri kandidatit për President të Maqedonisë së Veriut, Bujar Osmani, duke ia rikthyer planin e OSBE-së për shtensionim të situatës në veri të fillim-qershorit të vitit të kaluar, ka reaguar ky i fundit me fjalë të rezervuara por me mesazh të prerë.
Kundërpërgjigje pati edhe ndaj kundërkandidatit të tij, Arben Taravari.
Reagimi i Bujar Osmanit:
Po ta dinte Arben Taravari se si është sintetizuar, përgatitur dhe miraturar plani nëntëpikësh i Kryesuesit të OSBE-së për deeskalim në veri dhe rolin e këtij plani për të parandaluar zgjidhje teritoriale për çështjet etnike në Kosovë, do mendonte dy herë para se të involvohet në lojra elektorale që nuk i njeh dhe që mund ta dëmtojnë shumë interesin e Kosovës!
Kosova është çliruar me rezistencë dhe përpjekje të koordinuara. Dhe, liria dhe pavarësia e Kosovës mund të mbrohet vetëm me veprime të koordinuara.
