Lëvizja Vetëvendosje që e drejton kryeministri në detyrë, Albin Kurti, në javët e fundit, fillimisht ka bërë presion të madh brenda Komisionit Qendror të Zgjedhjeve që të mos certifikohet Lista Serbe për të marrë pjesë në zgjedhjet lokale, derisa ditëve të fundit po provojnë që ta largojnë nga kryesia e Kuvendit, që për shumë vëzhgues përbën shkelje të kushtetutës.
Ndaj këtyre zhvillimeve kanë reaguar përfaqësues diplomatikë të akredituar në Kosovë, ndërsa në vlugun e gjithë këtyre tensioneve që për protagoniste kanë LVV-në dhe Listën Serbe, misioni i OSBE-së e ka çuar për vizitë në Kosovë, Komisionerin e Lartë për Pakicat Kombëtare, Christophe Kamp.
Kamp të enjten ka takuar presidenten e Kosovës, Vjosa Osmanin, me të cilën kanë biseduar për komunitetet pakicë dhe ka kërkuar që të bëhet punë e vërtetë për të nxitur besimin dhe ka ofruar përkrahjen e misionit me fokus për të drejtat gjuhësore dhe përfshirjen. Osmani të njëjtën ditë ka njoftuar se ka mbledhur Këshillin Konsultativ për Komunitete, pas të cilët ka thënë se ata i kanë “shprehur mirënjohje për përkushtimin e saj”
“Ne përsëritëm nevojën për një angazhim të vërtetë me komunitetet jo-shumicë për të nxitur besimin dhe shprehëm mbështetje për mekanizmat funksionalë për pjesëmarrje politike dhe publike, me fokus të fortë në të drejtat gjuhësore dhe përfshirjen”, thuhet në njoftimin e OSBE-së për takimin e Kamp me Osmanin.
Për të njëjtin takim, siç njofton Presidenca e Republikës së Kosovës, Osmani, ka thënë se Kosova ka sistemin më të avancuar të mbrojtjes së të drejtave të njeriut në të gjithë Evropën dhe se mbetet e përkushtuar për garantimin e të drejtave të të gjithë qytetarëve pa dallim etnie, feje apo përkatësie tjetër.
Kamp përveç Osmanit, ka takuar edhe ministrin në detyrë për Komunitete dhe Kthim, Nenad Rashiq.
“Me Ministrin për Komunitete dhe Kthim, Nenad Rasiq, Ministrin e Punëve të Brendshme, Xhelal Sveçla dhe Zëvendësministrin e Arsimit, Arsim Ademi, u diskutua detyra e Qeverisë për të siguruar përfshirjen, konsultimet efektive me komunitetet dhe qasjen në arsim dhe shërbime”, thuhet në njoftimin e OSBE-së.
Po ashtu Kamp ka takuar edhe drejtrorin e policisë Gazmend Hoxha duke potencuar se përfaqësimi i komunitetetve në polici është esencial:
esencial:
