- Advertisement -
Ekipet e Shoqatës së Kosovës për Kërkim-Shpëtim (SHKKSH) kanë njoftuar se janë angazhuar sot në një operacion kërkimi në fshatin Bresalc të Gjilanit pas raportimit për një person të zhdukur.
Ata thanë se kanë aktivizuar edhe dronët në mbështetje të kërkimeve.
“Në terren po punon edhe njësia jonë e dronave, duke mbështetur kërkimet nga ajri për të mbuluar sa më shumë terren në mënyrë efektive. Operacioni po vazhdon me përkushtim të plotë, dhe ne falënderojmë të gjithë vullnetarët që po kontribuojnë në këtë mision human dhe profesional”, u tha në këtë njoftim.
