Në një konferencë për shtyp, pas ndeshjes, tekniku i Kamerunit, Rigobert Song ka treguar vendimin e tij për të larguar nga grumbullimi i kombëtares, portierin Andre Onana, duke këmbëngulur se “skuadra është mbi individualitetet”.
“Pozicioni i portierit është shumë i rëndësishëm. Jemi në një turne të vështirë dhe e di atë që duhet të bëj, që është të sigurohem që skuadra të jetë mbi individualitetet. Onana donte të largohej dhe ne e pranuam. Janë 26 lojtarë. Në këtë ekip punojmë së bashku dhe ne duam të tregojmë atë frymë disipline dhe respekti. Ne jemi këtu për ta dëshmuar atë. Ai është një portier i madh, por ne fokusohemi te ekipi”,- u shpreh tekniku kamerunas.
Mesa duket, ajo “ndarje” prej 1 viti nga fusha e blertë, nuk i ka bërë mirë shtatlarit të Interit, Andre Onana, i cili akoma nuk ka gjetur formën e tij optimale.
