Pavarësisht se është shumë e angazhuar me punën e saj, Olta Gixhari ka gjetur kohën që të bëjë një bisedë virtuale me ndjekësit e saj në rrjetet sociale, ditën e sotme.
Protagonistja e filmit “Në Kuadër të Dashurisë”, ka zgjedhur që t’iu përgjigjet disa pyetjeve që fansat e saj i kanë drejtuar.
Një ndër pyetjet që Olta ka marrë në “ASK” në Instastory, ka qënë: “Si ia bën që të jesh kaq e kontrolluar në situata jo të këndshme?”
“Numëroj deri në 1000. Marr frymë thellë dhe i them vetes se do kalojë çdo gjë”, shkruan Olta, përgjigje të cilën e ka shoqëruar me fotografinë e saj, ku shfaqet me fustanin e kuq, të veshur në rolin e saj të filmit, si Jonida.
Një tjetër pyetje që anëtarja e jurisë së “DWTS” ka marrë gjatë bisedës virtuale ishte edhe kjo:
“Çfarë të bën që të luftosh për sukses në një shoqëri që nuk të meriton“,
“Unë do kthehem gjithmonë me shumë dashuri në vendin tim! Dhe më vjen mirë që ne si shoqëri sot i kemi të gjitha ngjyrat, me të mirat e të këqijat tona, si çdo vend tjetër në botë”, përgjigjet Olta.
