Aktorja e dashur për publikun, Olta Gixhari, pas daljes nga shtëpia e “Big Brother VIP 2” është bërë shumë aktive me projektet artistike dhe me rrjetet sociale.
Ajo është mjaft aktive në profilin e “Instagram”-it dhe si gjithmonë për ndjekësit e saj ka kuriozitet mbi jetën, karrierën dhe anën familjare të saj.
Një ditë më parë, aktorja e njohur ka zhvilluar një bisedë virtuale me ndjekësit, ku një nga pyetjet ishte nëse aktorja do të bëhet nënë për herë të dytë.
“A do të bësh fëmijë tjetër?”, e ka pyetur dikush, të cilit ajo nuk ka ngurruar që t’i përgjigjet.
“Sa shpesh ma bëni këtë pyetje, kur ta sjell Zoti edhe unë e dua një bebe tjetër”, ka thënë aktorja.
Kujtojmë se Olta Gixhari e ka shprehur dëshirën që në një të ardhme të ketë edhe një vajzë.
