Prej disa ditesh qarkullonte në mediat rozë lajmi se Olta Gixhari ishte për herë të dytë në pritje të ëmbël, lajm që deri më tani nuk ishte konfirmuar nga aktorja, ndërsa mesa duket ajo kishte vendosur që lajmin e bukur ta ruante për në finalen e “DWTS”.
Kështu, mbrëmjen e sotme, në mes të performancave nga finalistët, Olta është ftuar nga Bora në skenë, teksa duke treguar për herë të parë plotësisht barkun e rrubullakosur, aktorja tha se po përjeton ndjesinë më të bukur që një grua mund të ketë dhe është shtatzënë për të dytën herë.
Sigurisht shumë e lumtur, ajo tha se ende nuk e ka zbuluar gjininë, edhe pse do dëshironte të ishte vajzë, por po ashtu tha se rëndësi ka që të jetë një fëmijë i shëndetshëm dhe mezi po pret ta ketë në krahë.
Kujtojmë se Olta është nënë e një djali, Amarit, me të cilin ka një marrëdhënie shumë speciale dhe tashmë familja e saj dhe bashkëshortit, Dorit, do të bëhet më e madhe.
