Aktorja e njohur, Olta Gixhari, ishte një nga të pranishmet në koncertin madhështor “Yje mbi Kaninë”, mbajtur në kalanë historike të Vlorës.
E veshur me një fustan elegant ngjyrë nude që theksonte linjat e saj, Olta tërhoqi vëmendjen e publikut me paraqitjen e saj plot stil e finesë.
Koncerti, i ideuar dhe prodhuar nga Vera Grabocka, mblodhi në një skenë unike artistë të mëdhenj si sopranoja ndërkombëtare Ermonela Jaho, tenori Saimir Pirgu dhe aktori i madh Timo Flloko.
Poezia dhe muzika klasike u ndërthurën në një mbrëmje magjike, duke ngritur në këmbë publikun që e ndoqi me emocion deri në fund.
Olta Gixhari u shfaq si një mbështetëse e fortë e artit dhe kulturës shqiptare, duke ndarë momente nga eventi me ndjekësit e saj.
Pjesëmarrja e saj u vu re, jo vetëm për elegancën e pamjes, por edhe për praninë e saj në një ngjarje që shënoi një nga kulmet artistike të verës në Shqipëri.
“Yje mbi Kaninë” shënoi një kombinim të rrallë të zërit, aktrimit dhe muzikës klasike, duke e kthyer kalanë e Vlorës në një skenë të hapur nën dritën e yjeve.
Mes të ftuarve të shumtë, Olta spikati si një nga figurat publike që i dha ngjarjes një prekje glamuri.
