OEK publikon letrën e padisë që do të dorëzojë në Supreme kundër shkyçjes së bizneseve nga energjia (Dokument)

Oda Ekonomike e Kosovës (OEK) ka bërë publike letrën e kërkesëpadisë që do dorëzohet në Gjykatën Supreme, duke kundërshtuar vendimin e Zyrës së Rregullatorit për Energji (ZRrE) për shkyçjen e qindra bizneseve nga rrjeti elektrik.

Përmes një postimi në Facebook, OEK ka publikuar dokumentin,  duke theksuar se kjo padi është ushtruar me qëllim të mbrojtjes së bizneseve, ekonomisë së vendit dhe, siç thuhet, mbrojtjes së qytetarëve si konsumatorë të fundit.

“Kemi besim se drejtësia do të vendoset në të mirë të bizneseve, ekonomisë së vendit dhe duke marrë për bazë interesin publik të shtetit të Kosovës”, thuhet në reagimin e OEK-ut.