Gruaja e cila është goditur për vdekje mbrëmë në “Rrugën C” në Prishtinë është Dashurije Gashi, specialiste e hematologjisë.
Oda e Mjekëve ka shprehur ngushëllime për punëtoren shëndetësore që vdiq pasi u godit nga një makinë në “Rrugën C” në Prishtinë.
“Ndahet nga jeta dr. Dashurije Gashi, specialist i hematologjisë. Dr. Dashurije Gashi kreu studimet për mjekësi të përgjithshme në Fakultetin e Mjekësisë në Tiranë, në vitin 2007. Ndërsa Specializimin për Hematologji e përfundoi në Klinikën e Hematologjisë, SHSKUK, në Prishtinë. Dr. Dashurije Gashi u shërbeu qytetarëve në Qendrën Kryesore të Mjekësisë Familjare, në Suharekë, për vite me radhë. Oda e Mjekëve të Kosovës u shpreh ngushëllime familjarëve dhe miqve të saj”, thuhet në reagimin e tyre.
https://m.facebook.com/story.php?story_fbid=389416640108527&id=100071205822473&mibextid=Nif5oz
