Nol Nushi nga PSD-ja sonte në “Edicionin Special” në Klan Kosova ka folur në lidhje me dështimin e seancës konstituive, duke thënë se ligji u përdor si pretekst.
Nushi u shpreh se atë ditë u vërtetua se Albin Kurtit i dështuan të gjithë ata që ia kishin konfirmuar mbështetjen, përcjell Klankosova.tv.
“Ligji u përdor si pretekst, mirëpo çka u vërtetua aty është se Kurtit i dështuan të gjithë ata që ia kishin konfirmuar mbështetjen”.
“Atë ditë nuk i kishte numrat, ajo doli në votim dhe nëse e shihni, 9 nga 10 minoritetet joshumicë, nuk kanë votuar, pra një gjë që është krejt teknike, që Vetëvendosja kërkonte me u votu, i bie që aleatët e saj nuk e dëgjuan Vetëvendosjen, disa zgjodhën abstenimin, disa nuk votuan fare, nëse nuk jam gabim. I bie që nuk ka pasur marrëveshje finale”, u shpreh tutje Nushi.
