Dëshmitari i radhës në rastin e krerëve të Ushtrisë Çlirimtare të Kosovës (UÇK) është Nuredin Abazi.
Ai është shfaqur të hënën para trupit gjykues në Gjykatën Speciale në Hagë.
Abazi ka qenë anëtar i UÇK-së në Budakovë.
“Dëshmitari ‘03865’ ka qenë anëtar i batalionit të UÇK-së në Budakovë, dhe këshilltar ligjor në Pashtrik. Dëshmitari ka dhënë informacion për strukturën e UÇK-së në Budakovë dhe Prizren. Jep informacion për rolin e autoritetin e Shtabit të Përgjithshëm të UÇK-së. Dëshmitari ka folur me disa persona kur kanë qenë të ndaluar. Ai kishte propozuar që Latife dhe Rrushe Kololli të liroheshin. Dëshmitari ‘03865’ ka dhënë informata për burgosjen e dy serbëve në Budakovë dhe burgosjen e një personi tjetër që ai e ka marrë në pyetje pasi i ishte kërkuar ta bëjë këtë nga Sadik Halitjaha”, ka thënë prokurori i Speciales.
“Disa herë e përmend të burgosur! Nuk kemi pasur të burgosur, as që e kam përmend fjalën të burgosur”, ka thënë Abazi.
