Kur janë numëruar 98% e kutive të votimit brenda Shqipërisë, Partia Socialiste po shkon drejt fitores duke siguruar një mandat të katërt qeverisës me 82 vende në Kuvend.
Me 52.1% të votave në rang kombëtar, PS ka marrë 727,592 vota, duke shënuar një fitore të thellë kundrejt Partisë Demokratike, e cila ka marrë 34.36%, ose 477,797 vota, që përkthehet në 52 mandate, një rënie në krahasim me zgjedhjet e vitit 2021, kur PD kishte 63 mandate.
Rritja e Partisë Socialiste është ndjerë në të gjitha qarqet, madje edhe në bastionet tradicionale të djathta. Në Dibër, PS ka përmbysur rezultatin, duke marrë një epërsi të papritur. Deri më tani, numërimi ka përfunduar në nëntë qarqe: Berat, Dibër, Lezhë, Kukës, Gjirokastër, Korçë, Vlorë, Elbasan dhe Shkodër, ndërsa vijon në Tiranë, Fier dhe Durrës.
Numërimi paralel i votës së diasporës, që për herë të parë po kontribuon në rezultat, i jep sërish epërsi PS-së me 55.3% të votave, krahasuar me 28.4% që kanë shkuar për PD dhe aleatët. Kjo votë pritet të ndikojë sidomos në qarqet e mëdha si Tirana, Durrësi dhe Fieri.
Votat për partitë e vogla
PSD e Tom Doshit mban 3 mandate me 3.4% të votave
Partia Mundësia e Agron Shehajt merr 1 mandat (3%)
Nisma Shqipëria Bëhet me 3.5% dhe Lëvizja Bashkë me 1.4%, sigurojnë nga 1 mandat
Partitë e tjera të vogla nuk arrijnë të futen në Kuvend
Votat e pavlefshme dhe lista e hapur
Raportohen 52,224 vota të pavlefshme.
