Një serb nga Zveçani është i martuar me një grua shqiptare nga Shkodra.
Serbi ka thënë për Euronews Albania se nuk ka aspak frikë nga Policia e Kosovës.
Ai tregoi se hyrja e grupit të armatosur në kishë e ka tronditur, ndërsa sqaroi se me shqiptarët shkon shumë mirë dhe e preferon shumë bregdetin tonë.
“S’kam çfarë mendoj. Unë vazhdoj me punën time. Jo absolutisht nuk kam frikë, pse të kem? Këtu jetojnë ekzkluzivisht serbë të krishterë, kurse policia e Kosovës janë myslimanë dhe kemi mungesë besimi, e kupton?
Të parët tanë kanë jetuar mirë me shqiptarët, kanë punuar bashkë në Trepçë, kanë shkëmbyer vizita, kanë shkuar për festa, për Bajram, ka pasur besim, por tani gjeneratat e reja nuk e respektojnë njëri-tjetrin. Nuk kam asnjë problem që jam martuar me shqiptare.Unë e kam zgjedhur atë dhe jetojmë shumë mirë. Kam qenë 10 herë në Shqipëri si mik. Edhe ata vijnë këtu, kemi shkuar bashkë për pushime në bregdet” – u shpreh ai.
