Të dielën një aksident i rëndë trafiku la të vdekur tre persona në Çubrel të Skenderajt.
Në aksident kanë mbetur të lënduar edhe pesë persona, katër prej tyre zyrtarë policorë.
Në mesin e viktimave ishin tre anëtarë të një familje, Zarife Gashi 70- vjeçare, Agim Gashi, rreth 50 vjeçar dhe Gyltene Gashi, rreth 48 vjeçare.
Ndërkaq kjo e fundit, ishte edhe mësuese e cila njihej si e dashur nga nxënësit e prindërit e tyre.
Njëra nga prindërit e fëmijëve që ajo edukonte, e ka përkujtuar atë si të dashur e të kujdesshme.
“Mësuesja Gyli ka qenë nanë e dytë për Alzetin, ai çdo mëngjes është nis në shkollë i lumtur duke këndu për mësuesen. Ka qenë aq e kujdesshme dhe e dashur saqë me besim të plotë e kam lënë në duart e saj çdo ditë. Nuk e di si do ti përgjigjem kur tmë thot se e ka marrë malli për Gylqen e bukur”, tha ajo.
Postimi i plotë:
Një lajm shumë i hidhur.
Në aksidentin e sotëm kanë humbur jetën mësuesja Gyltene Gashi me bashkshortin dhe vjehrrën e saj.
Mësuesja Gyli ka qenë nanë e dytë për Alzetin, ai çdo mëngjes është nis në shkollë i lumtur duke këndu për mësuesen. Ka qenë aq e kujdesshme dhe e dashur saqë me besim të plotë e kam lënë në duart e saj çdo ditë. Nuk e di si do ti përgjigjem kur tmë thot se e ka marrë malli për Gylqen e bukur. 
Ngushëllime familjarëve për humbjen tragjike.
U prefsh në paqe shpirti bukur Gylten Potoku-Gashi
