“Nuk do të ketë dorëheqje nga Abdixhiku, po fiton kohë brenda LDK-së”

Analistja politike Alama Lama, ka komentuar deklaratat e kryetarit të LDK-së, Lumir Abdixhiku, pas mbledhjes së Kryesisë, duke theksuar se mungon një vullnet i sinqertë për dorëheqje, pavarësisht presioneve të brendshme dhe të jashtme brenda partisë.

“Nuk ka një vullnet të vërtetë për të dhënë dorëheqje, por sigurisht që presioni i jashtëm dhe ai brenda partisë e ka bërë të vetën. Nuk do të ketë dorëheqje. Abdixhiku i ka dhënë kohë vetes për t’i bindur që ta votojnë. LDK-ja është partia më normale.”, tha Lama në RTV21.