Në fillim gjithçka dukej në rregull, por pasi u kthye dhe filloi të ecte prapa skenës, ngadalësoi dhe i dukej sikur krahët po i zvarriteshin poshtë.
“Krahët i kishte të rëndë dhe ajo po lufton me sëmundjen Lyme. Bëri çmos dhe ishte shumë mirë”, “Jam e sigurt që nëna e saj e detyroi të merrte pjesë në këtë shfaqje”, “Gjithashtu vura re se dukej e trishtuar”, “Mendova se isha e vetmja që e pa këtë”, janë disa nga komentet në TikTok.
Pas reagimeve të shumta, Bella Hadid shkroi në rrjetet sociale: “Në rregull, nuk do të pretendojmë sikur këto krahë nuk peshojnë 20 kilogramë, por janë të bukura”.
Megjithatë, ajo e fshiu shpejt këtë postim. Ajo u diagnostikua me sëmundjen Lyme në vitin 2013. Ajo transmetohet nga rriqrat dhe mund të prekë të gjitha organet. Më shpesh shkakton probleme me lëkurën, sistemin nervor, nyjet dhe zemrën. Modelja ka folur vazhdimisht se sa e vështirë është kjo për të.
“Jeta nuk është gjithmonë ajo që duket nga jashtë. Pjesa më e vështirë e këtij udhëtimi është se do të gjykohesh nga pamja jo nga ndjenjat”, kishte deklaruar ajo më parë.
Nëna e saj, Yolanda Hadid, publikoi foto të saj nga spitali muajin e kaluar dhe, ndër të tjera, tha se admironte guximin e saj për të vazhduar luftën për shëndetin e saj pavarësisht vështirësive të shumta me të cilat u përball.
