Deklarimet e kryeministrit të vendit se mund të ketë luftë, do të ndikojnë në largimin edhe më të madh të vëmendjes së investitorëve për të derdhur kapitalin e tyre financiar në Kosovë. Njohësit e ekonomisë thonë se deklaratat e tilla janë të gabuara dhe që do kenë ndikim negativ edhe në të ardhmen, raporton Kanal10.
Paralajmërimi për luftë ndërmjet Kosovës e Serbisë, i kryeministrit të Kosovës Albin Kurti, mund të ndikojë në largimin e investitorëve potencial në Kosovë, thonë njohësit e ekonomisë.
Ish-ministri i Financave, Haki Shatri ka thënë se gjuha e tillë e përdorur nga kreu i Qeverisë është e ekzagjeruar.
Deklarata të gabuara të kryeministrit, i ka cilësuar edhe Visar Ymeri, nga instituti “Musine Kokalari”.
Në një intervistë për gazetën italiane “La Repubblica”, kryeministri Albin Kurti ndër të tjera kishte thënë se protestat e 31 korrikut në veri kanë qenë të orkestruara nga Beogradi me mbështetjen e Rusisë.
