Njihuni me blerjet 1 miliardeshe të Boehlyt për Chelsea

Chelsea ishin humbësit më të mëdhenj sezonin e kaluar. Përfunduan në vendin e 12 në Premier Ligë dhe kanë paraqitje periodike në Ligën e Kampionëve, pasi që ata u eliminuan në çerekfinale kundër Real Madridit. Prej që Abramovich u largua në shkurt të 2022, londinezët nuk kanë qenë as afër fitimit të ndonjë titulli, i fundit ishte Botërori i Klubeve më 2021 pothuajse dy vite më parë. Në Angli nuk kanë shijuar ëmbëlësinë e një titulli që kur fituan FA Cupën më 2017. Por ky udhëtim në shkretëtirë nuk është se ka qenë pa investime.

Pasi turbulencave që shkaktoi largimi i Abramovich nga Chelsea për shkak të sanksioneve dhe luftës në Ukrainë, ardhja e manjatit amerikan Todd Boehly në Chelsea bëri që ai të shpenzoi 994 milionë euro, duke qenë larg klubi që ka shpenzuar më së shumti në këtë periudhë – dyfish më shumë së Manchester United që është i dyti në renditje me 434 milionë euro të shpenzuara.

Këto janë 10 skuadrat që shpenzuan më së shumti prej që Boehly ju bashkua Chelsea:

Chelsea : 994 milionë

Manchester United : 434 milionë

Arsenal : 423 milionë

Tottenham : 371 milionë

PSG : 357 milionë

Newcastle : 338 milionë

Bayern Munich : 296 milionë

Manchester City : 271 milionë

West Ham United : 259 milionë

Liverpool : 249 milionë

Një investim i paprecedent në dimër

Paraqitjet e dobëta të Chelsea në pjesën e parë të sezonit të kaluar, në të cilën kohë ata ranë nga të qenit favorit për titull të ligës, bëri që Todd Boehly të nxirrte librezën e çekëve qysh në merkaton e dimrit në përpjekje që skuadra të arrinte vendet që dërgonin në Ligën e Kampionëve. Për herë të parë në merkaton e dimrit një skuadër harxhoi 329 milionë euro ku Chelsea bleu Enzo Fernandez (121 milionë euro, blerja më e shtrenjtë në merkato të dimrit). Mudryk, Badiashile, Madueke,… të cilët ju bashkuan Fofanas, Cucurellas, Sterlingut, Koulibalyt,… që ai i bleu në verë.

Qershia mbi tortë, Caicedo

Dje Chelsea bëri zyrtare blerjen e pestë më të shtrenjtë në histori të transfereve. Moises Caicedo zgjodhi Chelsea para Liverpoolit për t’u bërë një qershi mbi torte për ekipin e Pochettinos. 133 milionë euro është shuma që ata paguan për ekuadorianin që luante në ekipin e De Zerbit, e që tani është bërë Blu. Tani, pyetja është se a do të bëjë vend ai në mesfushën e Chelsea ku luajnë futbollistë të talentuar si: Enzo Fernández, Andrey Santos, Ugochukwu dhe Connor Gallagher.

“Nëse nuk është më i miri, ai është njëri prej futbollistëve më të mirë që kam stërvitur. Ai luan në pozitën ‘6’ por mund ta vendosni edhe në ‘8’, për shkak që ju e kuptoni se ai mund të këtë ndikim fizik dhe taktik dhe ka kapacitete që ta kuptojë ndeshjen. Ai e ka parë që ka pasur më shumë prurje, por është shumë i mirë në pasimin e fundit për gol, pra mund të adaptohet në role të reja. Në Ekuador, po, ai ka më shumë hapësirë”, ka thënë Miguel Ángel Ramírez, trajneri i tij i parë te skuadra ekuadoriane, Independiente del Valle.

Basti në talentet e reja

Menaxhimi i Todd Boehly e ka bërë një gjë shumë të qartë, përkushtimin për të blerë talente të reja. Nga 40 transferime të bëra nga londinezët, 27 janë nën moshën 23 vjeçare. Shembulli i fundit është Romeo Lavia, që sapo ka mbushur 19 vjet. Mes tyre shquhen edhe Enzo Fernandez, Joao Felix (tashmë është kthyer në Atletico), Mudryk dhe Caicedo.  Në fakt, mosha mesatare e Chelsea këtë sezon është 23.4 vite, derisa sezonin 2021/2022 ishte 25.1 vite.

11 transferët më të shtrenjtë të Boehlyt

Moises Caicedo : 133 milionë

Enzo Fernandez: 121 milionë

Wesley Fofana: 80 milionë

Mikhaylo Mudryk: 70 milionë

Marc Cucurella: 65 milionë

Romeo Lavia: 60 milionë

Christopher Nkunku : 60 milionë

Raheem Sterling: 56 milionë

Axel Disasi : 45 milionë

Benoit Badiashile : 38 milionë

Kalidou Koulibaly: 38 milionë

Vetëm Thiago Silva, Ben Chilweell dhe Reece James i kanë shpëtuar Boehly nga ekipi i kaluar

Në 11 titulalre që Pochettino vendosi për të debutuar në Premier kundër Liverpoolit, vetëm braziliani dhe dy mbrojtësit anglez kanë qenë në skuadër në kohën kur ajo menaxhohej nga Roman Abramovich. Të tjerët janë futbollist të Anglisë, si Levi Colwill apo Connor Gallagher, apo transferimet e fundit si: Sterling, Nico Jackson, Enzo Fernández apo Axel Disasi, autori i golit të barazimit kundër Liverpoolit.

Më shumë së 300 milionë euro të ardhura nga shitjet

Në kohën e Boehlyt, Chelsea ka pasur 24 “viktima” pa llogaritur huazimet. Duke ju falënderuar këtyre, skuadra londineze ka gjeneruar 321 milionë euro të hyra, duke u bërë e treta që ka bërë më së shumti para nga shitjet prej që ka ardhur amerikani. Në mes të emrave që ai i kositi janë Havertz (e shiti të Arsenali 75 milionë euro), Mount (të Manchester United për 64 milionë euro) dhe Kovacic (29 milionë euro të Manchester City).

Top 5 skuadrat europiane që fituan më së shumti nga shitjet

Ajax : 330 milionë

Brighton : 325 milionë

Chelsea : 322 milionë

RB Leipzig: 316 milionë

Benfica : 281 milionë

Sponsori i ri, 400 milionë euro

Kompania amerikane, Infinite Athlete do t’ia paguajë 50 milionë euro në sezon Chelseat deri më 2030. Imazhi i Chelseat me sponsorin në anën e përparme nuk do të paraqitet këtë sezon. Sipas informacioneve, turneu i Chelseat në Amerikë këtë verë ishte çelësi për ta arritur këtë marrëveshje me shifra kaq të larta. Pavarësisht që “Blutë” nuk do të luajnë në Europë, lista me yje e me emra të mëdhenj në Chelsea ka tërhequr shumë kompani dhe investitor që dëshirojnë të dhënë para për skuadrën. /Express/