Pas daljes nga “Big Brother VIP”, Beatrix është përballur me mllefin në rrjetet sociale dhe po kalon një periudhë të vështirë. Sot Dojna Mema tha në “Fan Club” se Beatrix ndodhet në një gjendje të rënduar psikologjike dhe emocionale teksa Dagz tregoi se i ka shkruar disa herë por nuk i është përgjigjur.
Megjithatë, Beatrix ka edhe njerëz që e duan dhe mbështesin. Sot duket se edhe Elgit Doda e ka mbështetur publikisht përmes një statusi në rrjetet sociale.
“Nuk e di pse një pjesë e këtij mileti ka kaq shumë mllef si me i pas marr bukën te shpia. Bëhu njeri më i mirë se të bën mirë për shëndetin mendor.”- ka shkruar ai.
Edhe pse nuk ka përmendur emra, ky status duket si një formë indirekte për të shprehur suportin ndaj partneres së mikut të tij.
