Një person humbi jetën në një vetaksident në Pejë, policia jep detaje

Një person ka humbur jetë si pasojë e një vetaksidenti që ka ndodhur para pak minutash në fshatin Poqestë të Pejës.

Kështu ka bërë të ditur për Gazetën Nacionale zëdhënës i policisë për rajonin e Pejës, Fadil Gashi, ku tha se mjeku kujdestar e ka konfirmuar vdekjen e viktimës.

“Rreth orës 18:10 policia është njoftuar se në fshatin Poqestë ka ndodhur një aksident trafiku, kur kanë arritur në vendë ngjarje kanë kuptuar që ka të bëjë me një vetaksident. Personi i lënduar është dërguar me emergjencë në Spitalin e Pejës, mjeku kujdestar e ka konfirmuar vdekjen e viktimës. Në vendin e ngjarjes janë njësitë kompetente.” – ka thënë Gashi.