Një grua në Gjakovë ka bërë vetëvrasje sot, duke u varur në banjon e banesës ku jetonte.
Lajmin e kanë bërë të ditur për Gazetën Insajderi zëdhënsi policisë rajonale në Gjakovë, Nysret Gjurkaj i cili tha se viktimën e kanë gjetur të varur familjarët e saj.
“Sot me date 11.04.2022 rreth orës 11:00 Stacioni policor ne Gjakovë ka pranuar njoftim se në rrugën “Marin Barleti” është gjetur nga familjaret një person i gjinisë femrore e varur në banjon e banesës”, tha ai.
Sipas Policisë, gruaja nga Gjakova i dha fund jetës së saj duke u varur me një shall.
“Në vendin e ngjarjes kanë dalë patrulla policore dhe ekipi mjeksor i cili ka konstatuar vdekja e viktimes e cila aktin e vetevrasjes dyshohet ta ketë kryer duke u varur me një shall”, thuhet në njoftim.
