Herman Bonnen nga qyteti belg Casterly është fituesi i kampionatit kombëtar të peshimit të kungujve të këtij viti, pasi rriti një ekzemplar gjigant që peshonte më shumë se një ton.
Bonnen, kungulli i të cilit peshon 1,015 kilogramë, tha se këtë vit konkurrenca nuk ishte aq e fortë sa vitet e kaluara.
“Të gjithë peshonin më pak se sa prisnin, përfshirë edhe mua. Por me shumë kohë dhe kujdes të mirë, rezultati prapëseprapë vjen”, tha Boonen.
Ai tha gjithashtu se është mirë të jesh kampioni belg, “por është edhe më mirë të dish se ke rritur një kungull që peshon më shumë se 1,000 kilogramë”.
Kungulli gjigant nuk do të pritet menjëherë, ai së pari do të ekspozohet në tregun e kungujve pas dy javësh, dhe më pas do të marrë pjesë në të ashtuquajturën “regata e kungujve” tradicionale lokale.
