Demokracia në Veprim ka raportuar për telashe me rrymë në dy vendvotime.
Në disa qendra të tjera, pati vonesa të komisionerëve.
Komunikata:
Në tërë territorin e Republikës së Kosovës janë gjithsej 2,614 vendvotime (2,557 të rregullta dhe 57 me kusht). Sipas të dhënave të terrenit, me vonesë janë hapur vetëm 3% e vendvotimeve. Vonesa më të theksuara ka pasur në rajonin e Pejës. Është raportuar se shkaku kryesor pas vonesave në hapjen e vendovotimeve me kohë lidhet me mungesën e komisionerëve.
Aranzhimi i vendvotimeve është bërë konform rregullave të përcaktuara nga KQZ-ja. Vetëm në 2% të vendvotimeve nuk ka pasur vendosje adekuate të kabinave të votimit apo kamerave. Vendosja jo e duhur e kamerave ka qenë më e shprehur në komunat me shumicë serbe.
𝐈𝐈. 𝐐𝐚𝐬𝐣𝐚 𝐧ë 𝐐𝐞𝐧𝐝𝐫𝐚𝐭 𝐞 𝐕𝐨𝐭𝐢𝐦𝐢𝐭 𝐝𝐡𝐞 𝐚𝐦𝐛𝐢𝐞𝐧𝐭𝐢 𝐩ë𝐫𝐫𝐞𝐭𝐡
E drejta për pjesëmarrje në zgjedhje si e drejtë universale duhet t’u garantohet të gjithë qytetarëve pa dallim. Personat me aftësi të kufizuar duhet të kenë mundësi të barabarta të marrin pjesë në jetën publike e politike, e me këtë edhe në votim. Megjithatë një numër i konsiderueshëm i Qendrave të Votimit në Kosovë vazhdojnë të jenë të paqasshme për personat me aftësi të kufizuara fizike. Është raportuar se 16% e Qendrave të Votimit në nivel vendi nuk kanë infrastrukturë adekuate ose pjerrina që mundësojnë qasje më të lehtë në objekte ku po zhvillohet votimi.
Edhe pse rregullat zgjedhore ndalojnë vendosjen e posterëve dhe materialeve të tjera propaganduese të subjekteve politike brenda perimetrit prej 100m të Qendrës së Votimit, vëzhguesit tanë kanë raportuar prani të këtyre materialeve në afërsi të 3% të Qendrave të Votimit. Policia është duke u kujdesur për sigurinë e procesit të votimit, konform përcaktimeve ligjore në 85% të Qendrave të Votimit.
𝐈𝐈𝐈. 𝐈𝐧𝐟𝐨𝐫𝐦𝐢𝐦𝐢 𝐢 𝐯𝐨𝐭𝐮𝐞𝐬𝐯𝐞 𝐩ë𝐫 𝐭ë 𝐯𝐨𝐭𝐮𝐚𝐫 𝐬𝐚𝐤𝐭ë
Në këto zgjedhje, votuesit kanë të drejtë të votojnë deri në 10 kandidatë, gjë që u bë me mundur pas ndryshimeve ligjore për votën preferenciale në vitin 2023. Institucionet për administrimin e zgjedhjeve janë të obliguara që të informojnë votuesit për këto rregulla përmes vendsosjes së posterëve informues në hyrje të secilës Qendër të Votimit. Megjithatë vëzhguesit tanë kanë raportuar se këto instruksione nuk janë hasur në 8% të Qendrave të Votimit. Poashtu në 18% të QV nuk ka tavolina ndihmëse, që si problematikë është më e shprehur në rajonin e Ferizajt, Gjilanit dhe Pejës.
𝐈𝐕. 𝐏𝐣𝐞𝐬ë𝐦𝐚𝐫𝐫𝐣𝐚 𝐞 𝐠𝐫𝐚𝐯𝐞 𝐧ë 𝐊ë𝐬𝐡𝐢𝐥𝐥𝐚𝐭 𝐞 𝐕𝐞𝐧𝐝𝐯𝐨𝐭𝐢𝐦𝐞𝐯𝐞
Prania e grave komisionere vazhdon të jetë e ulët edhe në këto zgjedhje, pavarësisht kërkesave tona të vazhdueshme për pjesëmarrje të barabartë. Është raportuar se në të paktën 75% të vendovotimeve ka prani të komisionereve gra, por që numri kufizohet në 2 anëtare gra.
𝐕. 𝐈𝐧𝐜𝐢𝐝𝐞𝐧𝐭𝐞𝐭 𝐠𝐣𝐚𝐭ë 𝐡𝐚𝐩𝐣𝐞𝐬 𝐭ë 𝐯𝐞𝐧𝐝𝐯𝐨𝐭𝐢𝐦𝐞𝐯𝐞
Nuk është raportuar për ndonjë incident serioz, gjithsesi në dy vendvotimeve është raportuar për mungesë të energjisë elektrike që ka vonuar procesin e fillimit të votimit.
