- Advertisement -
Bisedimet mes delegacioneve të Shteteve të Bashkuara dhe Rusisë në Arabinë Saudite kanë filluar.
Pala amerikane ka theksuar se takimi i sotëm nuk ka të bëjë me fillimin e negociatave, por për të marrë vesh nëse Rusia është “serioze” për përfundimin e luftës në Ukrainë, raporton televizioni BBC.
Rusia thotë se prioriteti i saj është fillimi i normalizimit të marrëdhënieve me Shtetet e Bashkuara.
Nuk është e qartë se cila pjesë e takimit do të zhvillohet prapa dyerve të mbyllura.
Në këtë takim nuk po merr pjesë presidenti ukrainas, Volodymyr Zelensky, e as ndonjë zyrtar tjetër i vendit të tij.
Të martën, Zelensky ndodhet në Turqi për t’u takuar me homologun turk, Rexhep Erdogan.
