Prindon Sadriu, bashkëshorti i presidentes Vjosa Osmani, nuk po e gëzon më lumturisht as pozitën që mori falë miqësisë së mëhershme ndërmjet Osmanit e Gërvallës.
Prishja e miqësisë ndërmjet dy ish-bashkëpunëtoreve të ngushta, Osmanit e Gërvallës, po ndikon edhe në punën e Prindon Sadriut.
Bashkëshorti i presidentes Osmani, i cili është emëruar në pozitën Drejtor i Departamentit për NATO dhe Politika të Sigurisë në Ministrinë e Punëve të Jashtme dhe Diasporës, ka kohë që po injorohet keq nga ministrja Gërvalla-Schwarz.
Demokracia.com ka siguruar korrespodenca zyrtare të Sadriut dhe kabinetit të Gërvallës, të cilat dëshmojnë së Prindon Sadriu më nuk ka as komunikim privat me Gërvallën, ku asaj i drejtohet zyrtarisht me kërkesën për një takim, i cili asesi nuk po i bëhej.
Sadriu më 11 janar të këtij viti kishte kërkuar përmes një e-maili drejtuar kabinetit të Gërvallës një takim kortezie.
“Ju lutem të transmetohet kërkesa te ZvKM dhe MPJD për takim të shkurtër njoftues”, i kishte kërkuar Sadriu takim Gërvallës, sikur mos të ishin njohur fare më herët.
.
Pas rreth javësh, kabineti i Gërvallës fillimisht kishte kthyer përgjigje dhe kishte pranuar një takim.
“Me shumë mirësi ju njoftojmë se Zëvendëskryeministrja dhe Ministrja e Punëve të Jashtme dhe Diasporës, znj.Gërvalla, ju pret në takim me datë 7 shkurt, në ora 13:30.”, ishte përgjigjja nga ana e kabinetit të Gërvallës.
.
Sadriu më pas i kishte dërguar kabinetit të Gërvallës edhe një e-mail për të konfirmuar orën e takimit.
“Konfirmoj takimin e orës 13:30h.”, ishte përgjigjur Zotëriu i Parë.
.
Por, as ky takim i planifikuar nuk ishte realizuar më pas. Vetëm rreth një orë nga takimi i paraparë, burri i presidentes Osmani kishte marrë një e-mail për anulimin e takimit, me arsyetimin se Gërvalla do të udhëtojë jashtë vendit.
“Na lejoni të ju njoftojmë që për shkak se ZvKM dhe Ministrja e Punëve të Jashtme znj, Gërvalla do të udhëtojë jashtë vendit, me shumë keqardhje na duhet ta anulojmë takimin dhe ta caktojmë për një datë tjetër eventuale”, thuhet në e-mailin e kabinetit të Gërvallës.
.
Ndonëse për muaj të tërë u injorua nga Gërvalla, Prindon Sadriu nuk e humbi shpirtin luftarak.
Ai edhe në muajin mars insistoi për një takim me Gërvallën.
Sipas korrespodencës së më poshtme, kërkoj me konsideratë mbajtjen e takimit të parë të kortezisë (dhe punës natyrisht) per te diskutuar tema me rendesi te cilat kane mbetur pa u adresuar nga ana e DNPD-se. Ne pritje te pergjigjes”, ka shkruar Sadriu.
Ky komunikim i ftohtë na tregon se për diplomatin kontrovers Prindon Sadriu ka marrë fund periudha e “ledhatimeve”.
Sipas informacioneve të afërta me Listën Guxo, nga deputetet e këtij subjekti politik, vetëm një anon kah Osmani dhe të gjithë të tjerët kah Donika Gërvalla.
Dje edhe zyrtarisht dolën në sipërfaqe pakënaqësitë e Vjosa Osmanit me Qeverinë Kurti.
Ajo u shfaq tejet e mllefosur me kryeministrin Albin Kurti, ministren Donika Gërvalla dhe kryeparlamentarin Glauk Konjufca.
Vjosa Osmani shpërtheu dhe i qiti në sipërfaqe mospajtimet me qeverisjen e Albin Kurtit, ndonëse ishin munduar që gjatë gjithë mandatit qeverisës t’i mbajnë brenda zyrave të tyre.
Osmani u shfaq shumë e mllefosur me qeveritarët, të cilëve për kohë të gjatë ua mbajti zhagin.
