Kandidati i PDK për kryetar të Lipjani, Shukri Buja, ka njoftuar se Ilir Jashari, një nga dëshmitarët e gjallë të kohës së luftës në Kosovë, ka aderuar në PDK, shkruan Scanner.
“Ilir Jashari është një nga dëshmitarët e gjallë të kohës së luftës në Kosovë. I plagosur në vitin 1999, ai u trajtua dhe u shërua në kampin amerikan Bondsteel, duke e rifituar jetën pas një periudhe të vështirë”, ka shkruar Buja.
Postimi i plotë:
Ilir Jashari: nga lufta te angazhimi në teknologji dhe media, aderon në PDK dhe është pjesë e ekipit fitues
Ilir Jashari është një nga dëshmitarët e gjallë të kohës së luftës në Kosovë. I plagosur në vitin 1999, ai u trajtua dhe u shërua në kampin amerikan Bondsteel, duke e rifituar jetën pas një periudhe të vështirë.
Pas luftës, Ilir Jashari iu përkushtua teknologjisë informative, duke u bërë një njohës i mirë i saj dhe duke kontribuar në zhvillimin e kësaj fushe në vend. Krahas teknologjisë, ai u angazhua edhe në media, ku dha një kontribut të rëndësishëm në informimin dhe ndërgjegjësimin e opinionit publik.
Me njohuritë dhe përvojën e fituar, Jashari u bë pjesë e zhvillimeve shoqërore dhe politike në Lipjan, duke bashkëpunuar me mua në procese të ndryshme të rëndësishme për qytetin.
Figura e tij mbetet një shembull i forcës dhe përkushtimit, nga një i plagosur lufte, në një kontribues aktiv në fushën e teknologjisë, medias dhe jetës shoqërore.
