Superylli i Paris Saint-Germain, Neymar duket se ka rikthyer sërish në vëmendje marrëdhënien e tij me ish-të fejuarën Bruna Biancardi.
Sulmuesi dhe Bruna njoftuan ndarjen e tyre në gusht pas një viti së bashku. Megjithatë, dyshja kaluan së bashku ditëlindjen e 31-të të brazilianit të dielën dhe ndanë disa foto intime në rrjetet sociale.
Ish-çifti la të kuptohej se janë rikthyer bashkë teksa janë përqafuar dhe madje kanë shkëmbyer një moment mjaftë intim.
“Gëzuar ditëlindjen bukurosh. Të thashë gjithçka sot, këtë foto të vogël po e vendos këtu vetëm për regjistrim. Qoftë viti i ri i mrekullueshëm dhe i bekuar! Mos të mungojnë arsyet për të festuar, miqtë në krah, arritjet, shumë qëllime dhe shëndet. Zoti të vazhdojë të mbrojë marrëdhënien tonë. Unë të dua ty! Gjithmonë mbështetu tek unë.”, ka shkruar ajo.
